|
| 由於本人唔係日日得閒寫日記, 而 xanga 日期又冇得轉,
所以我已經伸請左第二個 blog, 各位請移欲步, ths!!
http://diary.blog.yam.com/crazyching
| | |
| 31 Dec 2006去迪士尼做足準備 香港迪士尼開左年幾, 我呢個超級米奇迷
今日終於踏足呢度啦, 不過玩得唔係咁盡興,
可能係同行o既人關係問題, 我好似外人咁,
不過都不過不失啦. 冇我想像中咁細, 冇我
想像中咁多自由行, 冇我想像中咁垃圾, 我入
到去做晒 d 人人認為係多餘, o徙時間o既野,
就係等睇巡遊, 等睇show, 排隊同公仔影相,
不過原來 d show 都幾好睇架~ 巡遊就一般啦,
都冇peter pen o既~~
可能今晚有倒數關係, 人又多左, 我地都只係
玩得幾樣野咋, 最好玩都係坐船冒險, 可能係
入黑關係, 氣氛勁正, 真係好驚!! 迪士尼明明
係得意可愛見稱, 但係呢個game真係好有環
球片場個大白鯊feel, 不過唔會有下次嚕, 因
為下次應該會係日光日白o既時候.
唉~~ 守唔住個尾關啦~~ o係商店大街實在太
多可愛精品, 我好多好多野想買啊, 但由於最重
要o個樣野我係冇o既, 所以最終放低左一隻
1 比 1 o既 Jack, tinker bell o既水晶球,
米奇Baby音樂吊飾, 米奇Baby搖鈴,
米奇新郎同美妮新娘, 最終只係買左呢度咁多野囉!!!
迪士尼...........I'll be back!!!!
Lami 好幸福, 去邊都有你分
點少得同你地影相啊
 煙花啊........嘩!!!........嘩!!!
 冇買o既野.....
30 Dec 2006 應酬 今日公司食buffet啊, 明明話收 12 點就過酒店,
但係由於 mandy 新年後放大假, 佢想交低 d 野
比我o者, 講多兩句 CY 就催, 使唔使咁惡喎!!
實在太無聊啦~ 純粹全公司o既人去同一個地方
食自助餐, 冇活動, 冇獎抽, 好在都有勤工獎幫補下.
我都唔明o既, 我都做左成年啦, 點解次次食親飯
都仲有人問我食齋o既問題架!? 不過今次比我搵
到個真係識天道o既人啦, 犀利喎~
我地係YC組啊..........幾溫馨~!?
 多左個 AH 組人(間諜..........閃開!!)
請你食菠蘿, 啊........!!
食完 buffet 同 Mandy 行 TST, 比月姐撞到我地
做緊 D 低能動作 tim, 嘩~ 買左啦買左啦, 我星期
四o個日睇milk見到部全白色 fisheye 機, 我今日
一收到 d 勤工就即刻去買啦, 真係非得到佢不可啊~ 大家買完想買o既野啦, 我要快 d 返屋企趕條褲比
Eva 個小信啊~ 聽日要交貨啦, 又臨急抱佛腳 tim..........
白色 FISHEYE...........
29 Dec 2006 慢慢平復啦 今日受到電話轟炸, 無論私人同公司電話都勁多,
聽到好蚊憎啊!!!
Eva 啊~ 你放過我啦, 你叫得人幫你訂飛你就
要信人, 一係你自己聯絡當是人, 唔好難為我呢
個中間人啦好冇???
阿瓊啊~ CY 今日都上左黎大陸, 你有問題直接
問佢啦, 唔好打落黎問我地, 要我地轉達比佢聽
再覆你好冇???
polly啊~ 我要收工啦, 你d resume send晒比我,
send埋要我send去邊個mail add 就ok架啦, 唔使
confirm 咁多次啦好冇??
救命啊~~ 今日lunch仲要食左餐好難食o既飯啊~
並唔係話d野唔好食, 而係daniel請全公司有跟
POLO 單o既同事出席, CY 今日又返左大陸喎,
我同 Mandy 好似孤兒仔咁, 係咁跟住一大班人
o既尾尾行去酒樓, 上到酒樓, 無奈在我食齋,
佢地叫瑪拉糕, 羅漢齋餃啊o個d, 成籠隊o係我
面前, 好尷尬啊~ 我會怕醜架嘛, 我仲聽到阿健
話"死啦, 佢唔敢食啊!!" 係啊係啊~ 我飲晒杯水
都唔敢斟tim啊!!! 好在daniel問得搞笑咋, 真係
麻煩晒阿ken你幫我斟水啊, 哈哈!!!
特別嗚謝陳欣, 你都知你忙哩!? 算你啦, 百忙之中
都抽空特登拎 D 飛過黎, 最醒就係你做完賭場風
雲先過黎搵我丫嘛, 哈哈~ 我話比mummy聽落一
落樓下拎野, 點知拎左兩粒鐘, 嚇死佢啦!! 嘩~~
會員飛果然係會員飛啊, 實在太靚啦~~ 我張張都
想keep返啊, 可惜只可以揀一張實在太唔開心啦!!
28 Dec 2006
你想追我咩!? 嘩~!! 好恐怖, 真係好死怖!!
今日剛講下佢地年宵d野比我聽, 呻下
佢地冇人理野, 得佢一個人搞, 好冇意思,
咁咁o岩米高又好得閒mail我, 咁我都只
係問下佢o者, 勢估唔到佢咁激動, 好有火藥
味咁覆我"佢唔係鍾意自己一個話晒事咩",
咁我都知內裏一定仲有故仔, 我呢d局外人費
事問咁多啦, 淨係講下剛同我呻咁咁咁咁咁....囉!!!!!
點知米高玩踢爆: "佢o係你面前梗係講到有
咁叻得咁叻, 佢之前想追你, 你知唔知丫!?"
雖然我之前都feel到係係地, 但係冇証明過就
當唔係架啦~ 我隔左好耐冇覆佢mail, 佢再mail
黎問係咪唔想聽, 我勁大隻字覆返佢"係!!", 哈哈!!
直至收工佢打黎, 又玩踢爆, 佢話剛原來有女朋友,
(嘩~ 真係難以置信), 佢仲話原來我撞過佢, 有一
次我同雪雪同佢三個人去唱k後去左新港行街撞
到一班人, 其中一個就係, (喂!!老細, N年前o既事
我完全冇印象喎), 佢話佢唔鍾意剛個女朋友, 又
覺得我同佢幾襯, 所以........(即係推我去死o者),
我唔理你地之間有咩爭執完都好啦, 做咩要講比
我聽喎, 聽完又要詐唔知, 仲要日日面對住當是人,
好辛苦架!! 我唔想成日做戲咁做啊, 我想做返我自己啊!!! | | |
| November 16, 2006 平靜未必係好事
今日好平靜o既一日, 冇野做就預左架啦,
lunch 後仲好眼訓, 好頭暈 tim 啊~ 我唔
想再咁落去啊~ 過得好頹啊~ 不過今日出
奇在連 CY 都好平靜, haha~ 反而咁樣仲不安,
平時佢發緊脾氣就知道唔好惹佢, 有野問佢
都等佢靜左落黎先, 但係佢全日都咁平靜o既
時候, 真係唔知佢幾時心情好幾時心情唔好,
搞到可以安全問野o既時間就更加難捉摸啦. 今日係呢兩個星期以黎過得最充實o既一日,
亦都係最心驚膽戰o既一日, CY一早返到黎問
我琴日係咪幫阿剛請假, 又問佢幾點打比我請
假架?? 諗諗下....死啦, 係咪出左事呢?? 佢冇
理由知我幫佢請假tim架喎!? mandy一返黎又受靶, 話佢做咩唔print d size spec
出黎開大貨尺寸表, 今朝要開晒佢, 嘩~ 不嬲都係等
original 返黎, 仲要等你過完目先比我地開架啦,
咁難捉摸架~
lunch 我地又落左去談心, 次次佢唔好老脾o既時候
我地都好多野諗, 佢就等緊出雙糧, 一出即辭, 但又
聽聞今年冇喎~~ 下!! 好大獲架喎~ 我就............唉...........
而家就諗住捱多一年啦~ 其實都唔知捱唔捱到, 日日工作
o係壓力下, 冇雙糧, bonus又小, 仲要玩得埋d o既同事仔
都走晒, 夾開個客(yoyo)又話唔做, 大陸廠個朋友仔又辭
埋職..........我都唔敢再諗落去啦. 頂~ 收工落雨, 好在有人有遮o者, 不過我對鞋穿底啊~
入晒水, 唉......... November 14, 2006 唔熟.........唔食
今日herman打黎話edmond 結婚啦~ 請我地去飲,
主要原因係冇錢, 就引致我有以下好多個唔想去o既藉口........ 1) 冇錢比人情 2) 冇錢買衫去飲 3) 去到齋坐, 又冇野食喎 4) 同主人家唔係咁熟(識佢到而家見面次數都唔會超過10次) 5) 同出席去飲o既人都唔熟(因為熟o個d唔去得)
我每次病o既時候都好鍾意嗲我daddy,
但係今日佢收工返到黎, 見到佢仲病o既樣,
我即刻覺得自己好精神, 乜病都冇晒.
haha~~ 不過有d失落.
食飽飯冇野做, 見d陰長長地走去剪下,
我細佬見到之後職業病發話幫我剪,
嘩~~ 衰仔丫!! 剪得又 OK 喎~ 佢拎住我
個頭o個陣個樣............終於都覺得佢大個仔啦!!
| | |
| 12 NOV 06
又搞掂一條
又搞掂一條啦~~ 呢條用左勁粗針織, 係就係織
得快d, 但係呢條織左好多次, 可能未用過咁粗針,
揸都未識揸, 同埋 d 一粒粒成日"kick"住, 拆完再
織拆完再織, 織到舊冷都殘殘地咁 tim 啦~ 唉~~
係就係核突左d, 都總算完成啦~
睇下支針幾粗
嘩~~ 好靚啊張床單, mummy 話呢張係斑點狗床單,
我點睇都覺得佢係乳牛囉
11 NOV 06
虛渡
得閒左咁多日, 今日仲過分, 直情擔埋張凳仔過
去同 mandy 一齊坐, 一路吹水一路剪野, 話咁快
就收工啦~ 我 D 日子唔係要咁樣虛渡下嘛?? 諗
住請兩日假o係企整下野仲好啦~ 反正 mummy
咁o岩又冇乜野做, 佢都放左幾日假, 點知收工同
CY 講, 佢o既反應只係"下!?" 跟住走左, 下!? 唔得
都講聲啦, 你咁樣走左去, 我好無奈架喎, mandy
同我都覺得咁即係要返黎啦~~ 但係o係度講笑咁
講, 如果星期一返到黎佢問我"唔係請假咩?" 我會
O 左咀囉~~或者答佢 "咁我而家走啦!!"
10 NOV 06
彈性上班時間 今日又係冇野做o既一日, mandy 牙痛左幾日,
book 左今日 lunch 之後去睇牙, 睇完就返黎,
佢就好啦~ 唔使o係度悶, 我不停講電話囉~
同個客講完就同廠 d 跟單講, 噢~ 新春打黎訴
苦啊~ 佢終於頂唔順要辭工啦!! 慘啦~ 熟o既
都走晒, 我都唔知我捱唔捱得住啊~~
輪到 mummy 打比我, 佢聽到我咳兩聲收左線
之後再打黎就話幫我 book 左時間睇醫生,
6 點 3 ?? 我收工都 6 點啦~ 3 個字點去
到油麻地啊, 到 5 點半o個陣 CY 又o岩o岩叫我,
我同佢講可唔可以走先, 佢竟然原因都冇問就
話走先囉, 我乜都聽唔到啊~haha~ (咁順攤o既=.=")
今晚台慶頒獎禮, 一定做馬啦~ 有乜理由鄭嘉穎
攞最喜愛男主角獎喎~~
9 NOV 06
青山散步 今日.......係我o係公司o既全日休閒日, 真係一D野
做都冇, 平時都話有一兩樣拖長黎做, o徙下時間咁,
但係今日真係完全冇, 由於而家公司 block 左 msn,
仲block埋互聯網, 所以唯有同 d 同事仔 send 下
mail, 打下日記咁啦.
haha~~ 個客開新鋪send左盒青山散步黎, 開頭睇佢
包裝已經估佢係朱古力, 開左盒之後得 4 件就估佢係
蛋糕仔, 再拆埋個膠袋, 真係估唔到佢原來係成舊磚咁
大o既朱古力, 見到就好漏, 但食落佢又唔係好甜, 仲
苦苦地幾好味喎~
青山散步
7 NOV 06
嚇死人咩
我細佬縫星期二放假嘛, 咁今日收工返到屋企
又見到細佬房燈開左, 問媽咪"熙仔o係企啊?"
" 你睇下咪知囉!!" 咁我諗住嚇下佢啦, 行過佢
房門好大力咁拍門, 但係佢道門個角度.......
未行到去係睇唔到入面書檯位置架嘛, 當拍完
行過之後見到o既係一個女仔, 係佢個EX坐左
o係度, 奇怪o既係我細佬係唔o係屋企架(阿媽
玩我!?)我趁佢未擰過黎之前即刻扮冇野咁繼
續行去自己房, haha~ 我沖完涼出黎問佢有冇
嚇親啊?? 佢話比我嚇醒左~~haha
6 NOV 06
X@#$X 今朝又比我撞到邊個邊個啊 ~'.'~
原本今日約左 X 去 XX,
其實我都麻麻地想 XX,
一黎又冇 $$, 二黎又好 zZ, 三黎想早D返屋企睇肥田,
haha, 但係又一早應承左 X 喎,
不過好在 X 收工時打比我話唔舒服,
所以都係唔 XX 嚕~
5 NOV 06
地海傳說
今日雪雪破天荒入黎屯門睇戲, haha~ 因為
佢要還返個o急比我, 佢好似城市人入鄉咁,
乜都嘩嘩聲"好平啊", "好抵啊", 睇戲都只不
過係 $ 35 咋~ 我地去左睇地海傳說, 臨出門
口前睇過下影評, 評語好差, 唔知套野講咩,
做左一大半都未到題, 又冇交代點解個女仔
會變左條龍等等等等........ 但係我睇完套戲之後,
悶又唔係話好悶, 係平鋪直敘左少少, 成套野仲
有 d 噚氣 tim, 講黎講去都係要珍惜生命啊, 凡
事都有兩面, 雨過會天晴, 黑暗之後就黎明咁,
至於點解個女仔會變左條龍, 雖然我都唔係好
知原因, 但係卡通片黎架嘛, 唔使交代咁多o既,
不過套野一開始咪話左原本龍同人係融為一體
架囉, 自己諗啦, 哈哈!!
散場後過左吉之島睇鞋, 睇中左對 nike 啊, 唔知
可唔可以等多半個月呢? 應該話我唔知忍唔忍到
半個月至o岩........行下行下行左去置樂睇玩具, 做
左一日導遊 tim, 帶左雪雪遊屯門, 仲行到邊食到
邊啊, 有我呢個咁正o既導遊, 十年都唔入屯門一
次o既佢都話下次要同屋企人入黎行街~ 哈哈!!
返到屋企知死啦, mummy見到個o急之後係咁話我
識埋 d 咩朋友, 又冇責任感, 又唔珍惜人地 d 野,
因為雪雪用完個o急之後就咁放左o係佢屋企好耐,
叫左佢用個膠袋入返好先又冇入到, 搞到封晒塵,
個o急我都係用左兩次咋, 借完比人之後即刻殘左......
我再望下個o急.....都有 d 傷心 tim, 好似見到一隻受
左傷o既雀仔跌左落地咁......但係算啦mummy, 有幾
多個好似你個女(即係我)咁, 咁有責任感, 借完即刻還,
重視人地 d 野多過自己 d 野 (因為驚整爛左賠唔起),
我又忍唔住讚自己tim.
| | |
| 今日 D 時間超難捱啊, 可能冇野做o既關係啦,
收工見到 receipt 一熄燈即刻拎袋擰轉面講
byebye走人, haha~~ mandy丫, 笑得咁大聲?
想死啊 !?
返到屋企係咁比表哥玩踢爆, 咁我成日嗌冇錢丫嘛,
但係又有新衫著, mummmy一件到就會話"又買新衫?"
我就會恰佢冇記性, 好順口咁答"買左好耐啦",
點知今日一入門口, 表哥就話
"咦!? 我都有買呢件風褸喎~不過唔同色!! "
"冇可能, 呢件女裝, 哈哈!!"
"我買左綠色x深綠色"
"咩啊? 得粉紅x灰, 灰x粉紅, 同埋黑x白之嘛!! "
"唔係喎, 真係一樣架喎, 新貨黎架嘛"
"sh........." (睄下阿媽先)
媽-----> "哈哈哈.......呃我!?又話好耐" 跟住 mummy 又話我低能, 咁大個人仲玩公仔,
但係又叫我拎出黎比表哥睇, 佢一見到個反應係 "嘩!! 呢隻公仔幾千蚊你都捨得買?" (咁住佢個口兼碌大對眼) "你又知?" (因為我呢個表哥係唔玩玩具的) "我個同事都有隻放左o係檯面" "咁o徙? 叫佢賣埋比我啦, 哈哈!! "
噢~ 婆婆聽朝返鄉下嚕, 但係我都陪唔到佢啦,
因為我今晚要去奧比斯"肓俠行"啊, 行到聽日
先返黎哦!! 細 ken 為左佢o既人生大事臨時甩
底, 好在你都有 d 人性過左錢比我先, 嘩嘩嘩~~
咁都有三千幾人啊, 開頭集合o徙左好多時間啊,
o係度開幕禮, 做熱身運動, 我都好耐冇行過啦,
不過原來係行石屎地, 行到隻腳板底好痛啊,
對鞋仲蝕晒 tim 啊, 真係好累好累啊, 行到半
夜 4 點幾又好眼訓喎, 原來眼訓到極限真係會
眼訓到暈架~ 不過其實都幾好玩, 又唔係話有
咩玩o既, 不過我好 enjoy 囉, 有一段仲係要懞
住眼行架, 比你體驗下肓人o既感受, 原來睇唔
到野真係好恐怖架, 兩個人一組, 一個懞眼另一
個帶住你行, 但係我都成日覺得前面係有d野咁,
可能我想像力太豐富啦, 懞住眼都好似成日見到
前面有 d 柱啊, music 話有障礙o既時候我又想像
到有架車駛緊埋黎啊~ 真係好驚好驚架!! 希望我
呢世都唔會再有第二次呢種體驗啦!!
開頭同 music 兩個一齊行(一早己經好唔合群咁冇跟大隊),
開頭都幾多野傾, 傾傾下又要上斜路都冇氣嚕, 開始聽歌,
嘩~ 我成部 mp3 都係小勇同 timmy d歌, o係黑鼆鼆o既時
候聽都另有一番風味, 好有 feel 啊~~
PS: EVA唔好意思啦, 你叫我去o既原意應該係預我陪你的,
可惜........
沿路派左好多野啊
完成左懞眼一段路送o既襟章
完成全程啦
仲有張証書tim啊!!
2 NOV 06
週記
今個星期成個禮拜都過得好快啊 ~
星期一已經放左假
星期二 CY 請左病假,
冇咁大壓力時間都過得快 d 啊~
星期三雖然 CY 成日自己都好忟咁發出"嘖嘖"聲,
但係都總算平安渡過
星期四 CY 上晝返左大陸, 佢返到黎都 4 點嚕~~
今日已經係星期五..到 Mandy 冇返, 我都冇乜野
做嚕, 再加上 CY 下晝又落左廠, 我勁講電話,
玩埋 FAX, 好驚比人見到啊~~ HAHA!!
收工又即刻仆返屋企食飯, 一入門口, 好耐未見過
咁熱鬧啦, 三十個大人細路塞晒o係屋企, 細路!!!
小心我 D 米奇老鼠啊, 捉晒你地入房玩先~~ HAHA
| | |
|
